ليه ؟!
ليه ؟!
كلمة مكونة من 3 حروف .. تقدر ماتنيمكش طول الليل ! .. بتسال نفسك (ليه ؟! )
ليه حصلى كدة ! .. اشمعنى انا !!
طيب ليه قالولى كد ! كان قصدهم ايه !
طيب ليه بدئنا الموضوع الفلانى وانتهى كدة ! طيب ليه انتهى !
(ليه ) !
الحقيقة انا من اكتر الناس اللى بتسال السؤال دة طول الوقت مع نفسي ! وببص للسماء واسال طيب ليه ؟!
كنت بسال وانا فى كامل ادراكى ان عمرى مهلاقى اجابة لحظية ابدا !بس عمرى ماوقفت انى اسال !
بس يمكن لما كبرت فهمت انى مش لازم الاقى لسؤال ( ليه ) ده اجابة !
ممكن اعرفها بس مش فى وقتها وممكن ماعرفهاش خالص !
بس اللى انا عارفاه ومؤمنة بيه ان مافيش حاجة فى الدنيا بتحصلنا من غير سبب ! سبب معلوم بقى غير معلوم !
مش مهم المهم ان فى سبب ولحد ما اعرفه او لحد مابطل اتسال ! انا لازم اتعايش
فكرة التعايش مع حاجة انت مش فاهمها ! خصوصا لشخص زى بينبش ع الاسباب فى كل موقف شئ متعب جدا ومكنش سهل !
بس بدائنا نتعلم طيب عملت ايه عشان اتاقلم !
1 - بدات احاول مافكرش واضحك على عقلي انى اشغله فى اى حاجة تانية ( اعمل وصفة اكل حلوة - اكتب زى مابعمل دلوقتى ) اى كان شكل اللى انا بعمله عشان فكلها كانت محاولة لالهاء
2 - بدات ادور ع اى جانب كويس فى الموقف وابدا اركز عليه وابداء اتعامل معاه
3- بدات الغى من دماغى فكرة ان الموقف دة اى كان عامل ازاى هو واقع ومش مؤقت او كابوس وهيخلص ! لا دة الواقع ولازم اكمل
بس مع كل اللى بعمله لسه بسال ليه ! بيجيلى وقت وافضل اسال ليه ! بس برجع واحط نفسي على التراك واكمل
ماهو مافيش اختيارات .. هكمل !
تعليقات
إرسال تعليق