كراكيب

ليه ؟!  كلمة مكونة من 3 حروف .. تقدر ماتنيمكش طول الليل ! .. بتسال نفسك (ليه ؟! )  ليه حصلى كدة ! .. اشمعنى انا !!  طيب ليه قالولى كد ! كان قصدهم ايه !  طيب ليه بدئنا الموضوع الفلانى وانتهى كدة ! طيب ليه انتهى !  (ليه ) !  الحقيقة انا من اكتر الناس اللى بتسال السؤال دة طول الوقت مع نفسي ! وببص للسماء واسال طيب ليه ؟!  كنت بسال وانا فى كامل ادراكى ان عمرى مهلاقى اجابة لحظية ابدا !بس عمرى ماوقفت انى اسال !  بس يمكن لما كبرت فهمت انى مش لازم الاقى لسؤال ( ليه ) ده اجابة !  ممكن اعرفها بس مش فى وقتها وممكن ماعرفهاش خالص ! بس اللى انا عارفاه ومؤمنة بيه ان مافيش حاجة فى الدنيا بتحصلنا من غير سبب ! سبب معلوم بقى غير معلوم ! مش مهم المهم ان فى سبب ولحد ما اعرفه او لحد مابطل اتسال ! انا لازم اتعايش  فكرة التعايش مع حاجة انت مش فاهمها ! خصوصا لشخص زى بينبش ع الاسباب فى كل موقف شئ متعب جدا ومكنش سهل ! بس بدائنا نتعلم طيب عملت ايه عشان اتاقلم !  1 - بدات احاول مافكرش واضحك على عقلي انى اشغله فى اى حاجة تانية ( اعمل وصفة اكل حلوة - اكتب زى مابعم...

اممم عدى كام سنة ع اخر مرة كنت فيها هنا ! سنة .. اتنين ! لاء ستة سنين . من 2014 لحد 2020 .. ايه اللى رجعنى تانى ؟!  وارد محتاجة اكتب .. محتاجة افضفض مع نفسي ..  الكتابة هنا بالنسبة لى مش هدفها ان حد يقرالى .. او اكتب عمل ادبى بالعكس ! الكلام اللى هقوله يمكن كلام مرسل .. مش مفهوم .. ملغبط .. محدش يفهمه غيرى ..  بس يمكن محتاجين نوثق افكار بننساها .. او اوقات وفترات واشخاص بتعدى علينا محتاجة انى اعرف انا اتغيرت وبتغير وهتغير ازاى .. بحاول افضى دماغى من الوش اللى فيها !! او ادور ع مساحة فاضية اعبر فيها عن نفسي .. من غير ما حد يحكم او يعلق عليا بأى طريقة او كلام ! انا هكتب ..عشان محتاجة ارتب كراكيبي اللى بقالها سنين دى !  مافيش طريقة معينة هنا للتعبير مافيش شروط للكتابة .. هكتب اول حاجة تيجى ع دماغى .. ولو حظك حدفك فى طريق مدونتى المغمورة ! اللى مايعرفهاش غير اتنين بالعدد .. هبقى اكيد حابة ان حد يشاركنى فى رغى :)  مسائنا لذيذ ان شاء الله